|
|
FILANDON
Una de la vieyas costumes recuperadas ía'l Filandón. Na sociedá asturiana tradicional el filandón era, amás del sitiu onde se filaba, un l.lugar de socialización alredor d'un trabayu comunitariu. Pero sobre tou, un l.lugar d'alcuentru onde los vecinos se xuntaban pa cuntar cuentos, leyendas, cantar ya bail.lar.
La recuperación d'esta costume tan ancestral vieno a coincidir cola celebración na Puela, desde fai del.los años, de los Alcuentros anuales de la Fundación Belenos, amigos ya paisanos bien queríos por nós ya trabayadores incansables del patrimoniu cultural ya espiritual asturianu. Por outru l.lau tenemos que destacar la creación fai un añu de la Xunta pola Defensa de la L.lingua Asturiana nel Occidente, compuesta por dalgunos de los integrantes de la Asociación Cultural el Rapigueiro. L'oxetivu principal desta Xunta ía, cumo'l propiu nome diz, la defensa, recuperación ya difusión de la l.lingua asturiana sin esqueicer outros aspeutos identitarios del nueso pueblu.
|
 |
 |
 |
|
|
El Rapigueiro ©2007
|
|
|
|
HISTORIA
